OLENTZERO ETA MARI DOMINGI

Olentzero eta Mari Domingi eskolara etorri dira eta ederki pasa dugu!

 

 MONTHS OF THE YEAR

Urteko hilabeteak ikasteko kanta hau landu dugu.Primeran egin dute!

 

ARROA IRRATIA: 1. IRRATSAIOA

Ilusio handiz egin dugu lehen irratsaioa. Espero dugu zuen gustukoa izana. Lehenengo eguneko urduritasun eta zailtasunak gaindituta, emanaldi bikaina eskaini dizuegu.

GORA ARROA IRRATIA!

1. IRRATSAIOA

 TXITA PROIEKTUA

 

Txita proiektua   Arroako eskolan haur hezkuntzakoek “Baserriko animaliak” proiektua lantzen ari garenez, 4 eta 5 urteko gelan azaroaren 10ean inkubagailua jarri genuen martxan. Bertan ernaldutako hamabi arrautza sartu genituen. Haurrek egunero, 18 egunetan arrautzei, poliki-poliki buelta ematen aritu dira (azkenengo hiru egunetan ez baitira mugitu behar). Bestalde, tenperatura eta hezetasuna zaintzen arduratu dira, ondoren paperean erregistratzeko.   Lehenengo egunean bideo bat ikusi zuten txiten enbrioi garapena nolakoa den ikusteko. Arrakasta handia izan zuen bideoak eta, egunez egun, arrautzaren barruan zer gertatzen den ikasi dute. Argazkiak atera eta egunero haur batek idatzi du zer gertatzen den arrautza barruan. Horrela, pixkanaka, txita proiektu izeneko liburuxka osatzen joan dira.   21 egun behar dira txitak jaiotzeko eta azaroaren 30ean, astelehenean, jaio behar ziren, baino, eskerrak inkubagailua etxera eraman genuela, badaezpada, zeren txita bat igandean jaio zen eta beste bat astelehenean goizaldean. A ze poza haurrak eskolara iritsi zirenean eta bi txita ikusi zituztenean!!! Ze emozioa!!! Ondoren, egunean zehar, beste bost txita jaiotzen ikusi zituzten. Denak horiak eta azkena, haurrak etxera joan zirenean, beltza. A ze sorpresa hartu zuten hurrengo egunean txita beltza ikusi zutenean!   Oso esperientzia hunkigarria eta ederra izan da eta umeen partehartzea eta inplikazioa bikaina. Zuzenean biziz ikasi dute prozesu osoa nola den, zer jaten duten…, azken finean, errespetuz nola zaindu behar diren…

 

 2020 EUSKARALDIA

Aurtengo euskaraldiari amaiera emateko, patioan elkartu gara abesti batzuk entzun eta dantzatzeko.

PRIMERAN PASATU DUGU!

 DAYS OF THE WEEK

                            LH1/2 ko ikasleak asteko egunak lantzeko kanta bat ikasi dute:

 THE RAINBOW SONG HH4-5URTE

Koloreak ikasteko, ``The Rainbow Song´´ abestia ikasi dugu. Hurrengo bideoan, HH 4.-5 urtekoak abesten agertzen dira.

e

 EUSKARALDIA 2020

Aurtengo Euskaraldiaren edizioaren barruan hainbat jarduera burutu ditugu ikasleekin. Gustora aritu dira, marrazten margotzen eta muralak sortzen.

 AZAROAK 25, EMAKUMEENGANAKO INDARKERIAREN KONTRAKO NAZIOARTEKO EGUNA

Gelan gaia landu dugunean hainbat lelo asmatu ditugu:

- Etxera bidean aske izan nahi dut.

- Ez beti da ez.

- Indarkeriaren aurrean denok bat.

- Ez jo.

- Elkar maitatu.

- Matxismorik ez.

-...

TRATU ONA GUZTIONA!!!

 

Elkar ipuin lehiaketa

Maria Iribar Larrañagak Elkar ipuin lehiaketan bigarren saria eskuratu du. Lehiaketan Mai Egurzak egindako ilustrazioan oinarritutako ipuin bat sortu behar zuten partaideek. Zorionak Maria,txapeldun!

HH Ikasturte honetako bideoak

Ikasturte honetan egin ditugun hainbat ekintzekin osatutako bideoak ikusi nahi izanez gero, klikatu beheko linketan.

Kutxaespazio

HHko topaketak Oikian

Gelako ekintzak I

Gelako ekintzak II

LH5-6KOEN IKASTURTE AMAIERA BERTSOTAN

Ikasturte berezi honi amaiera emateko LH 5 eta 6ko ikasle batzuek bertso batzuk egin dizkigute. Hona hemen beraien inpresio eta agurrak. Ondo pasa uda denok!

Bertso sorta

Lh5-6ko ikasleen aldizkaria

3.ebaluaketa desberdin honetan Lh 5 eta 6ko ikasleek kazetari lanak egiten jardun dute fin-fin. Horren emaitza Berriak-berri aldizkaria izan da. Bertan denetariko albisteak aurkitu dituzue, baita gai desberdinen inguruko iritzi artikuluak ere.

Berriak-berri aldizkaria

ARROA BEHEKO II. IPUIN LEHIAKETA

Kaixo guztioi:

Hemen dituzue Arroa Beheko II. IPUIN LEHIAKETAN parte hartu dutenen ipuinak. Zikloka sailkatuta daude.

Ea zein duzuen gustukuen!

LH 1-2. mailak

                                               ARROA BEHEKO II. IPUIN LEHIAKETA


LH 3-4. mailak

ARROA BEHEKO II. IPUIN LEHIAKETA

LH 5-6. mailak

INGELESA ETXEAN LANTZEKO WEB SITES BERRIA

Kaixo lagunok, egoera berri hau errazago eraman ahal izateko eta etxean ingelesa landu ahal izateko hona hemen eskolako web sites berria. Espero dugu erabilgarria izatea . Bertan HHtik hasi eta LH6arteko ikasleentzako bideoak, jokoak eta ariketak aurkituko dituzue.

ARROAKO ESKOLA ENGLISH

MAKINA SINPLEAK

Azken aste hauetan "Makina Sinple"en inguruan ihardun dugu lanean. LH 5-6 koek "Emakume Asmatzaileak", "Historiako Asmakizun garrantzitsuenak" eta " Euskal Asmatzaileen" hormairudiak egin dituzte. Lehen Hezkuntza osoaren artean, berriz, asmakizunak historiako denbora lerroan kokatzen gabiltz.

IRAKURKETA PARTEKATUA

Asteazken arratsaldero bezala, Lehen Hezkuntzako 1.zikloak eta 2.zikloak irakurketa partekatua egiten dute elkarrekin. Modu honetan, besteekin ozen irakurriz norbere irakurketa maila hobetu eta sendotzen dute.

Ikusi argazkiak