Santa Ageda

Gaur, Otsailak 4, Santa Ageda ospatu dugu eskolan. Goizean goiztik baserriz baserri hasi eta ondoren auzoan abestu ditugu koplak, eguraldia lagun izan dugularik.
santa ageda argazkiak

HHkoen topaketa

HHkoen topaketa Arroa Behean

Azaroak 9an Oikia, Aizarna eta Arroako Haur Hezkuntzako ikasleak elkartu ziren Arroa Behean, gutxi gorabehera 50 bat haur.

Murala pintatu zuten, marrazkiak egin zituzten, irakasleek nahi zuenari aurpegia margotu zioten (neskek tximeletaz eta mutil gehienek tigrez), eraikuntza txokoan jolastu ziren eta txerritxoen karetak egin zituzten.

Txistorra eta txokolate ogitartekoak jan zituzten. 10:00etatik 12:00etara iraun zuen festak. Hurrengo urtean Aizarnazabalen elkartuko dira denak.

Festa dibertigarria eta ederra izan zen. Primeran  pasatu zuten!

KORRIKA

18. KORRIKA

KORRIKA TXIKIA martxoaren 22an 11:30ean izango da. Gure ibilbidea:

OLAETA, PARKEKO ZUBIA, HAUR ESKOLA, TXOMIN TABERNA, KEIXA DENDA, ESKOLAKO ALDAPA eta PLAZA. Puntu desberdinetan lekukoa eskuz aldatzen joango da.

 

Aurtengo lemak EMAN EUSKARA ELKARRI dio, euskarak euskal herritarrok elkarrekin bizitzeko hizkuntza izan behar duelako. Elkarri hitz egiteko hizkuntza. Elkar entzuteko eta ulertzeko.

IDAZLEA ESKOLAN

Yolanda Arrietaren bisita eskolan

Otsailaren 19an Yolanda Arrieta gure eskolan izan genuen. Galdera asko egin genizkion eta berak, “maleta magikotik ipuin batzuk atera eta irakurri zizkigun. Bisita baino lehen, berak idatzitako liburu batzuk irakurri genituen gelan:

HH 5 urtekoek, “Astebeteko kontuak”,

LH 1. eta 2. mailakoek “Oinutsik jauregian”,

LH 3. eta 4. mailakoek “7 pertsonai istorio bila”,

LH 5. eta 6. mailakoek “Nitaz ahaztu dira”.

Arratsalde oso atsegina pasatu genuen elkarrekin.

Hurrengora arte, Yolanda!

2012ko danborrada

Goiz oso polita igaro genuen danbor artean. Zuzendariei jarraituz doinu politak jo genituen. Hemen dituzue orduan ateratako zenbait argazki. Gozatu berauetaz!

Euskararen eguna

Abenduaren 2an ospatu genuen. Dantza asko egin genuen abesti hauekin:

Gora Euskara, Araban Bagare, Guk Euskaraz, Euskaraz Lehenik eta Euskal Herrian Euskaraz...

Herri kirolak ere egin genituen: lokotx biltzen, txingak, sokatira eta zaku karrera.

Ekitaldia bukatu ondoren merienda eman ziguten:

txokolatea eta ogia eta edateko yogurra.

Euskararen egun oso polita pasatu genuen!